ટીમ જી.એલ.એફ.ટીમ જી.એલ.એફ.

શ્યામ પારેખ - ફેસ્ટિવલ ડિરેક્ટર

પત્રકાર, તંત્રી અને કેળવણીકાર

પત્રકારત્વની 25 વર્ષથી પણ લાંબી કારકિર્દી દરમિયાન તેમણે ઘણા અગ્રણી અખબારો અને તેમની આવૃત્તિઓ શરૂ કરવામાં મહત્વપૂર્ણ ભૂમિકા ભજવી છે.અમદાવાદમાં અંગ્રેજી અખબાર DNAના સ્થાપક તંત્રી, ઉપરાંત એક દાયકા કરતા વધારે સમય સુધી નિવાસી તંત્રી તરીકે, મુંબઈમાં સીનીઅર એડિટર તરીકે તેમણે અનેક અખબારનું નેતૃત્ત્વ કર્યું છે. કારકિર્દીની શરૂઆત ટાઈમ્સ ઓફ ઇન્ડિયામાં શિક્ષણ, પર્યાવરણ વિ વિષયના રિપોર્ટર તરીકે કરનાર, સાહિત્યના અભ્યાસુ અને અંગ્રેજી અને ગુજરાતી એમ બંને ભાષા પાર પક્કડ ધરાવતા શ્યામે વર્ષોથી ગુજરાતમાં સાહિત્ય ઉત્સવ સ્થાપવાનું સ્વપ્ન જોયું હતું. જે વર્ષ 2013માં સાકાર થયું.

સમકિત શાહ - ફેસ્ટિવલ પ્રોડ્યૂસર

ઉદ્યોગસાહસિક અને સાહિત્યરસિક

સમકિત એ પ્રથમ પેઢીના ઉદ્યોગસાહસિક છે જે તેમની ઊંડી જિજ્ઞાસાના આધારે GLFને તાજગી પૂરી પાડે છે. તેમના ઉદ્યોગ સાહસોમાં યુરોપિયન બજારોમાં ઇજનેરી ઉત્પાદનો વેચવા, તેમજ ડઝનબંધ વૈશ્વિક ભાષાઓમાં અનુવાદનો વ્યવસાય, વિ સાહસોનો સમાવેશ થાય છે. જયારે શહેરી જીવન મુશ્કેલ બને છે ત્યારે સમકિત સ્ટેન્ડ-અપ કોમેડિયન તરીકે સ્ટેજ પર જઈ જીવનને હળવાશથી લે છે! પ્રવાસના શોખીન, ઉત્સાહી અને આશાવાદી, સમકિતે GLFના ફેસ્ટિવલ નિર્માતા તરીકે ફેસ્ટિવલને નાણાકીય રીતે સક્ષમ બનાવીને અશક્યને શક્ય કરી બતાવ્યું છે.

જુમાના શાહ - ફેસ્ટિવલ કો-ડિરેક્ટર અને પ્રોગ્રામિંગ ડિરેક્ટર

તંત્રી અને પત્રકારત્વના શિક્ષક

જુમાના એક પત્રકાર છે. તેઓ ભૂતપૂર્વ સંપાદક છે. તેમણે DNAએ, ટાઇમ્સ ઓફ ઇન્ડિયા અને ઇન્ડિયા ટુડેમાં પ્રિન્ટ, ટીવી અને ડિજિટલ માધ્યમોમાં કામ કર્યું છે. તેમણે રાજકારણ અને પર્યાવરણ-વન્યજીવન વિશે વિપુલ પ્રમાણમાં લખ્યું છે. તેમણે રાજકીય વિશ્લેષણ, DNAએમાં સામાજિક મુદ્દાઓ પર કોલમ અને 2005થી ચૂંટણીના અહેવાલો લખ્યા છે. તે માર્શલ આર્ટસના પ્રચારક છે, મુસાફરીના શોખીન છે અને સાહસિક રમતોના ચાહક છે. તેઓ એક પ્રમાણિત સ્કુબા ડાઇવર છે અને દરિયાઇ પર્યાવરણને બચાવવા માટે અનેક લેખ લખ્યા છે.